Gläzei geh'

Friara san an de easdn zwoa Pfinsdog im Advend die Kina, Knechd und Dirna vo Haus zu Haus ganga und ham a Liad g´sunga oda a Versal aufgsogt. Ois Belohnung hams Kletzn, Epfen oda Nussn griagt. Damits beim „beddln“ ned erkend woan san, ham se se vakleidet.
A heid wead dea Brauch in da Schnoat nu pflegt, und  ned wia wo anders durch Halloween easetzt (da Unterschied zoagt se scho alloa dodurch, dass de Kletzein fia ia Belohnung wos leisdn, und ned wia de Gstoitn vo Halloween mid Sprich wia „Siaß oda Sauas“ drohn). Heitzadog griang de Kinda aba a siaß Zeig, de Kinda, de a bissal edda sand, griang am amoi den oan oda andan Schnaps. Des Bidl zoagt a bißal eddane Glätzein, die se nach an langan Fuaßmarsch durch den hoatn Schnoata Winta beim Kraxei aufgwama derfa ham. Freile sans a mit Flüssigem veasorgt woan, des vo innen heraus warmt.

Text: Dokta Bua da Ältere